Digitálalaš ovdasadji: Eiseválddiid reivvet dušše elektrovnnalaččat 2026

Vearrohálddahusa ja eará eiseválddiid reivvet doaimmahuvvojit dušše elektrovnnalaččat buohkaide dakkár dievasahkásaš olbmuide, geat čálihuvvet Suomi.fi-identifiseremiin muhtin eiseválddi elektrovnnalaš áššiid dikšunbálvalussii, ovdamearkka dihte OmaVero (sámás MuVearru)-bálvalussii.

Ođastus ii guoskka vuolleahkásaččaid, daid, geat leat ávkebearráigeahčus dehe dakkár olbmuid, geat eai divššo áššiid elektrovnnalaččat. Sii ožžot eiseválddi sádden boastta dás maŋásge báberhámis.

Juos juo geavahat Suomi.fi-dieđáhusaid, oaččut dás maŋásge reivviid ja mearrádusaid dohko elektrovnnalaččat.

Mot ja goas reivviid doaimmahanvuohki rievdá? 

Nuppástus dáhpáhuvvá guovtti muttus. Juos dus eai leat vel lága vuoibmái boađedettiin anus Suomi.fi-dieđáhusat dehe elektrovnnalaš vearroboasta, nuppástus dáhpáhuvvá čuovvovaččat:

Persovdnaáššehas dehe doaibmanammafitnodatolmmoš

• Go identifiseret iežat Suomi.fi-identifieremiin OmaVero-bálvalussii dehe juoga eará eiseválddi áššiid dikšuma bálvalussii 14.4.2026 dehe dan maŋŋel, de oaččut sierra eiseválddiid reivviid, mearrádusaid ja rehkegiid dás maŋás dušše elektrovnnalaččat Suomi.fi-dieđáhusaide. Ilmmut iežat šleađgaboastačujuhusa Suomi.fi-dieđáhusaid ásahusain, nu oaččut ilmmuhusa ođđa reivviin šleađgaboasttain. Vearrohálddahusa reivviid ja mearrádusaid oaččut dušše OmaVero-bálvalussii.
• Go čálihuvat OmaVero-bálvalussii 1.6.2026 dehe dan maŋŋel ja válljet dikšut iežat vearroáššiid, de oaččut iežat vearroboastta dušše OmaVero-bálvalussii. Dat ii sáddejuvvo šat báberveršuvdnan, vaikko livččet heaitán Suomi.fi-dieđáhusaid anu. Ilmmut OmaVero-bálvalusas iežat šleađgaboastačujuhusa dehe telefonnummára, nu oaččut Vearrohálddahusas dieđáhusa, go dutnje lea ođđa vearroboasta OmaVero-bálvalusas.

Searvvuš, searvi, oktasašávkkálašvuohta, ovttastupmi dehe jápminbeassi, mas lea F-dovddaldat:

• Go servoša vearroáššiid dikšu olmmoš čálihuvvá OmaVero-bálvalussii 1.6.2026 dehe dan maŋŋel, searvvuš oažžu dás maŋás Vearrohálddahusa reivviid ja mearrádusaid dušše elektrovnnalaččat OmaVero-bálvalussii. Dieđáhus ođđa reivviin boahtá šleađgaboasttain, juos don leat ilmmuhan šleađgaboastačujuhusa OmaVero-bálvalusas. Juos it ilmmut oktavuohtadieđuid šleađgaboastadieđáhusaid várás, don fertet ieš čuovvut OmaVero-bálvalusa, vai oaččut dieđu ođđa reivviin.
• Juos fitnodagas juo lea anus elektrovnnalaš vearroboasta, dat oažžu dás maŋásge reivviid ja mearrádusaid elektrovnnalaččat OmaVero-bálvalussii.

Rehketdoalli dehe eará gii dikšu áššiid:

Go identifiseret iežat Suomi.fi-identifiseremiin juoga eiseválddi áššiid dikšuma bálvalussii 14.4.2026 dehe dan maŋŋel, oaččut iežat persovnnalaš eiseváldiboastta dás maŋás dušše elektrovnnalažžan Suomi.fi-dieđáhusaide, vaikko divššolit nuppi olbmo dehe servoša bealis. Ilmmut iežat šleađgaboastačujuhusa Suomi.fi-dieđáhusaid ásahusain, nu oaččut dieđáhusa ođđa reivviin šleađgaboasttain. Vearrohálddahusa reivviid ja mearrádusaid oaččut dušše OmaVero-bálvalussii. Iežat identifiseren ii váikkut dan olbmo eiseváldibostii, gean bealis divššut áššiid.

Juos it sáhte váldit reivviid vuostá elektrovnnalaččat

Oaččut reivviid Vearrohálddahusas ja eará eiseválddiin dás maŋásge báberboastan, juos it identifisere iežat eiseválddiid elektrovnnalaš áššiid dikšuma bálvalusaide. Sáhtát maid sirdásit elektrovnnalaš eiseváldiboasttas báberbostii mearreáigái. Loga lasi rávvagiin: Mii lea Suomi.fi-dieđut? (Suomi.fi).

Lassidiehtu

Nuppástusat vuođđuduvvet oktasaš láhkaásaheapmái, mat gusket buot eiseválddiid, sihke dan dievasmahtti sierraláhkaásaheapmái, mii guoská vearuhusáššiid diehtunaddimiid. Ulbmilin lea earret eará buoridit eiseválddiid sádden reivviid diehtodorvvu, sihkkarastit reivviid jođánis mearrái ollema vuostáváldi sajádagas sorjjakeahttá sihke čohkket dehálaš reivviid seamma sadjái.

Lágat bohtet vuoibmái 14.4.2026.

Mii lea Suomi.fi-dieđut? (Suomi.fi)

Eiseváldiboasta rievdá eanas elektrovnnalažžan digitálalaš bálvalusaid geavaheddjiide cuoŋománu áigge (Ruhtaministeriija) (suomagillii)

Eiseváldiboasta rievdá eanas elektrovnnalažžan: diehtu ja doarjja fállun riikkavuložiidda (Suomi.fi) (suomagillii)

Ráđđehusa ovdanbuktojupmi riikkabeivviide elektrovnnalaš diehtunaddima ovdasajis eiseváldidoaimmas guoskevaš láhkaásaheapmin (suomagillii)

Ráđđehusa ovdanbuktojupmi riikkabeivviide elektrovnnalaš diehtunaddima Vearrohálddahusas guoskevaš láhkaásaheapmin (suomagillii)

Digi- ja álbmotdiehtodoaimmahat: Digitálalaš eiseváldigaskkusteami ovdasaji ollahuhttinprošeakta, Digi álggos -prošeakta, 2024–2027 (suomagillii)