Bargoaddi sierraalmmuhus – skovvi ja deavdinráva (6103)

Almmut bargoaddi sierraalmmuhusain (TULOR 6103) čuozáhatmánotbajis máksojuvvon bargoaddi buohcooadjomávssu ja das dahkkon geahpádusaid.

• Jos leat fásta bargoaddi nappo gulat Vearrohálddahusa bargoaddiregistarii, atte almmuhusa juohke mánus. Jos it máksán ollege bálkkáid gažaldatvuloš mánotbaji áigge, almmut Ii bálkámáksin (Ei palkanmaksua) -dieđu.
• Jos it gula bargoaddiregistarii, almmut dušše daid mánotbajiid, main leat máksán bálkkáid.

Atte dušše ovtta buot bargiidat guoskevaš bargoaddi sierraalmmuhusa mánotbajis.

Almmut dán lassin juohke bargi bálkádieđuid ja juohke mávssus sierra jogo skoviin 6101 dahje 6104.

Deavdinráva – Bálkádiehtoalmmuhus (6101)

Deavdinráva – Viiddes bálkádiehtoalmmuhus (6104)

Oahpásmuva maid eará sámegielat rávvagiidda:

Deavdinráva – Dieđut riikkaidgaskasaš bargamis (6105)

Deavdinráva – Láigobargi álggahanalmmuhus (6106)

Báberskoviid áigemearit

• Bálkádiehtoalmmuhus: báberalmmuhusa áigemearri lea 8 beaivvi máksinbeaivvis.
• Bargoaddi sierraalmmuhus: báberalmmuhusa áigemearri lea máksinbeaivvi čuovvovaš kaleandarmánotbaji 8. beaivi.
• Priváhtaolbmot nappo dállodoalut sáhttet addit guktuid almmuhusaid seamma áigetávvalis nappo maŋimustá bálkámáksinbeaivvi čuovvovaš mánotbaji 8. beaivve.
• Jos dállodoalus lea fásta bargoaddi, bálkádiehtoalmmuhusa áigemearri 8 beaivvi máksinbeaivvis.

Jos mearrebeaivi lea lávvardat, sotnabeaivi dahje eará bassebeaivi, sáhtát almmuhit dieđuid čuovvovaš árgabeaivve. Báberskovit galget joavdat boahtoregistarii maŋimustá mearrebeaivve.

Viečča skovi

Vállje skovi máksinbeaivvi mielde. Ovdamearkka dihte jos máksinbeaivi lea jagi 2024 áigge, geavat jagi 2024 skovi. Jos čuozáhatmánotbadji leat leamaš ovdal dahje vuiget dákkár ovdal dahkkon almmuhusa, geavat gažaldatvuloš jagi skovi.

Máhca suomagielat rávvagii ja viečča skovi: Bargoaddi sierraalmmuhus / Työnantajan erillisilmoitus (6103)

Lonuheamen suomagielat siiddu giela fidnet skovi ja deavdinrávvaga suoma-, ruoŧa- dahje eaŋgalsgillii.

Deavdinráva – bargoaddi sierraalmmuhus

Deavdde skovi fuolalaččat. Jos almmuhus lea devdojuvvon boastut dahje dieđut váilot, almmuhus hilgojuvvo. Hilgojuvvon almmuhus ii vurkejuvvo boahtoregistarii.

Gos oaččun veahki almmuheapmái?

Jos dárbbašat dárkilut dieđuid sierralágan almmuhandiliid birra, oahpásmuva min rávvagiidda:

Bálkádieđut oasis / Palkkatiedot-osiossa leat rávvagat boahtošlájain, lunddolaš ovdduid almmuheamis ja oadjudeamis.

Makkár diliin dagan bargoaddi sierraalmmuhusa / Missä tilanteissa teen työnantajan erillisilmoituksen?

Mo divun dieđuid / Miten korjaan tiedot?

Gos sáhtán dahkat almmuhusa / Missä voin tehdä ilmoituksen?

Sáhtát rehkenastit ja máksit bálkkáid nuvttá Palkka.fi-bálvalusas / Voit laskea ja maksaa palkat maksuttomassa Palkka.fi-palvelussa. Bálvalus sádde dárbbašlaš almmuhusaid boahtoregistarii automáhtalaččat.

Oahpásmuva maid eará daoibmiid rávvagiidda:

Go oastát bálvalusa dahje bálkáhat bargi dállodoallu bargoaddin / Kun ostat palvelun tai palkkaat työntekijän – kotitalous työnantajana

Maid searvi almmuha boahtoregistarii? / Mitä yhdistys ilmoittaa tulorekisteriin?

Jos gáibidat ovdamearkkaid dahje háliidat dárkilut rávvagiid almmuheapmái, oahpásmuva dárkilis rávvagiidda:

Bálkkát:dieđuid almmuheapmi boahtoregistarii / Palkat: tietojen ilmoittaminen tulorekisteriin

Bargoaddi sierraalmmuhus / Työnantajan erillisilmoitus

Dállodoallu barggu barggaheaddjin / Kotitalous työn teettäjänä

Buot boahtoregistara dárkilis rávvagat / Kaikki tulorekisterin yksityiskohtaiset ohjeet

Maid min áššehasbálvalus veahkeha almmuheapmái laktáseaddji áššiin:

Áššehasbálvalusa oktavuohtadieđut / Asiakaspalvelun yhteystiedot

Deavdde skovvái čuovvovaš dieđuid

• Almmuhusa dovddaldatdieđut
• 1. Máksi
• 2. Buohcooadjomáksu ja Ii bálkámáksin -diehtu
• 3. Beaivi ja vuolláičálus

Almmuhusa dovddaldatdieđut

Deavdde skovi juohke siiddu badjeoassái almmuhusa dovddaldatdieđuid. Dovddaldatdieđut galget leat ovttaláganat buot skovi siidduin. Dovddaldatdieđut leat:

• doaibmabiju tiipa
• almmuhanbeaivi
• čuozáhatmánotbadji ja -jahki
• mávssu máksi almmuhančujuhus.

Doaibmabiju tiipa

Ceahkas, leago gažaldagas ođđa almmuhus, buhttedeaddji almmuhus vai almmuhusa fámuhuhttin. Sáhtát válljet dušše ovtta doaibmabiju tiippa. Diehtu lea bákkolaš.

Ođđa almmuhus lea gažaldagas dalle, go attát čuozáhatbajis (nappo dihto máksinmánotbajis ja -jagis) almmuhusa vuosttas geardde. Jos almmuhus hilgojuvvo ja gárttat addit dieđuid ođđasis, jearaldagas lea maid ođđa almmuhus.

Buhttedeaddji almmuhus addojuvvo, go ovddit almmuhusa galgá vuiget. Buhttedeaddji almmuhusas galgá addit buot dieđuid ođđasis, nappo ođđa ja rievdan dieđuid lassin galgá addit maid ovddit almmuhusas leamašan rivttes dieđuid. Buhttedeaddji almmuhusas galgá addit ovddit almmuhusa almmuhančujuhusa.

Almmuhusa fámuhuhttin válljejuvvo, go ovddit addojuvvon almmuhus fámuhuhtto ollásit. Fámuhuhttima oktavuođas reahkká, ahte almmuha doaibmabiju tiippa lassin mávssu máksi dovddaldaga ja ovddit almmuhusa almmuhančujuhusa, man vuođul fámuhuhttin čujuha rivttes almmuhussii. Almmuhusa gánneha fámuhuhttit easka dalle, go ođđa almmuhus lea addojuvvon.

Vaikko dieđuid vuigen boahtoregistaris dahkkojuvvo dábálaččat buhttejeaddji almmuhusain, leat dihto dáhpáhusat, main dieđuid ii sáhte vuiget buhttedeaddji almmuhusain. Dan sadjái ovdal addojuvvon almmuhusa galgá fámuhuhttit ja dan maŋŋá galgá addit ođđa almmuhusa rivttes dieđuiguin. Dákkáraš dáhpáhusat leat ovdamearkka dihte:

• čuozáhatbaji (nappo máksinmánotbaji dahje -jagi) vuigen
• mávssu máksi áššehasdovddaldaga vuigen
• ealáhatortnetnummira vuigen
• bargobárteoadjosearvvi dovddaldaga dahje oadjonummira vuigen.

Almmuhanbeaivi

Merke almmuhanbeaivin bargoaddi sierraalmmuhusa addinbeaivvi hámis bbmmjjjj. Ovdamearkka dihte 3.5.2022 sáddejuvvon almmuhusa almmuhanbeaivi merkejuvvo hámis 03052022. Diehtu lea bákkolaš.

Čuozáhatmánotbadji ja -jahki

Merke kaleandarmánu ja jagi, man bargoaddi sierraalmmuhusa dieđut gusket. Merke mánotbaji nummira 1–12 ja jagi njeljiin nummiriin. Dieđut leat bákkolaččat.

Mávssu máksi almmuhančujuhus

Mávssu máksi almmuhančujuhus spesifisere máksi addin bálkádiehtoalmmuhusaid. Jos hábmet čujuhusa ieš, dat galgá leat earálágan juohkehaš ođđa almmuhusas. Dán čuoggá sáhttá guođđit maid guorusin, dalle boahtoregisttar hábme máksi almmuhančujuhusa du beales. Dalle almmuhančujuhus sáddejuvvo reiven dan čujuhussii, mii máksái lea merkejuvvon álbmot- dahje fitnodatdiehtovuogádahkii.

Jos attát ođđa almmuhusa iige máksis leat dovddaldat, ale atte almmuhančujuhusa muhto guođe čuoggá guorusin.

Almmuhančujuhus lea dehalaš, dasgo seamma almmuhančujuhusa galgá geavahit dalle, jos almmuhusas leat leamaš feaillat ja dan galgá vuiget. Almmá almmuhančujuhusa haga buhttedeaddji dahje fámuhuhtti almmuhusa ii boahtoregistaris sáhte čujuhit dan almmuhussii, maid háliida vuiget. Dan dihte mávssu máksi almmuhančujuhus lea bákkolaš diehtu, jos vuiget ovddit almmuhusa dahje fámuhuhtát dan.

Almmuhančujuhus sáhttá leat eanemustá 40 mearkka guhkkosaš. Dat sáhttá sisttisdoallat sihke bustávaid ja nummiriid muhto ii gaskamearkkaid. Dohkálaš mearkkat leat nummirat 0–9, bustávat a–z ja A–Z sihke sierramearkkat”_” ja ”-”. Fuomáš, ahte bustávat å, ä ja ö eai leat dohkálaš mearkkat.

1. Máksi

Máksi dieđut

Almmut mávssu máksi suopmelaš FS-dovddaldaga dahje persovdnadovddaldaga. Vállje maid dovddaldaga tiippa.

Merke almmuhussii ollislaš persovdnadovddaldaga dahje FS-dovddaldaga. Ale čále diehtogieddái dovddaldaga lassin eará dieđuid.

Jos suopmelaš dovddaldagat eai leat, almmut fitnodaga nama dahje olbmo nama ja riegádanáiggi sihke dovddaldaga tiippa. Almmut maid dovddaldaga guovtti bustáva riikakoda. Jos máksis ii leat dovddaldat, ceahkas čuoggá Máksis ii leat dovddaldat ja almmut fitnodaga nama dahje olbmo nama ja riegádanáiggi sihke čujuhusa.

Ovdamearkkat riikakodain: Suopma= FI, Ruoŧŧa= SE, Norga = NO, Estteeana= EE, Ruošša RU. Dábálamosit geavahuvvon riikakodat gávdnojit tabeallas dán rávvaga loahpas. Jos riikakoda ii gávdno tabeallas, almmut riikka nama.

Čujuhusdieđuid galgá addit, jos máksi čujuhus lea olgoriikkas, jos máksis eai leat suopmelaš dovddaldagat ollege. Almmut juogo lagasčujuhusa dahje boastabovssa. Almmut maid riikakoda, jos čujuhus lea olgoriikkas.

Jos mávssu máksi lea dállodoallu dahje dállodoaluid bargoaddigázzi, ceahkas gažaldatvuloš čuoggá.

Sáhtát almmuhit dieđu "dállodoallu" dahje " dállodoaluid bargoaddigázzi" jagi 2022 rájes.

Dállodoallu lea ovttaskas olmmoš dahje jápminbeassi, mii lea bálkáhan ovdamearka dihte čorgejeaddji iežas persovnnalaš dállodollui.

Dállodoaluid bargoaddigázzi lea ovttadat, masa gullet máŋga dállodoalu gázzi, mat leat ovttain bargosoahpamušain bálkáhan bargi, ovdamearkka dihte čorgejeaddji dahje mánáiddikšu. Dállodoallogázzái gullevaš dállodoalut doibmejit oktasašvásttolaččat bálkáhuvvon bargi bargoaddin. Dállodoallogáccis okta olmmoš dikšu iežas persovdnadovddaldagain bálkká máksima boađuoažžui ja dieđuid almmuheami boahtoregistarii. Jos almmuhat dieđuid dállodoallogácci beales, ceahkas guktuid čuoggáid: Dállodoallu ja Dállodoaluid bargoaddigázzi / Kotitalous ja Kotitalouksien työnantajarinki.

Merke vejolaš oktavuođaváldimiid várás oktavuohtaolbmo nama ja telefonnummira.

Máksi ealáhatoadju ja bargobárteoadju

Almmut dieđuid máksi bargoealáhatoajus ja bargobárteoajus dušše dalle, jos almmuhat Ii bálkámáksin -dieđu. Ná bargoealáhatfitnodatsearvvit ja bargobárteoadjofitnodatsearvvit ožžot boahtoregistaris dieđu das, ahte máksi ii leat máksán bálkkáid gažaldatvuloš mánotbajis.

Almmut dan bargoealáhatlágádusa fitnodatsearvedovddaldaga, gos leat váldán bargoealáhatoaju. Merke čuoggái dušše nummira, ale čále bargoealáhatlágádusa nama. Bargoealáhatlágádusain dárkkuhuvvo bargoealáhatoadjofitnodatsearvi, ealáhatkássa, Mearraolbmáealáhatkássa dahje ealáhatvuođđudus. Juohke bargoealáhatlágádusas lea oktagaslaš guovtti- dahje viđa mearkka fitnodatdovddaldat, mainna dieđuid čujuhit rivttes bargoealáhatlágádussii. Almmut maid ealáhatortnetnummira.

Almmut bargobárteoadjofitnodatsearvvi dovddaldaga ja bargobárteoaju oadjonummira. Almmut maid dovddaldaga tiippa. Jos dovddaldat lea olgoriikkalaš, almmut riikakoda.

2. Buohcceoadjomáksu ja Ii bálkámáksin -diehtu

Almmut čuozáhatmánotbaji áiggis máksojuvvon bargoaddi buohcceoadjomávssu oktasaš meari ja das vejolaččat dahkkojuvvon geahpádusaid. Jos it leat oppanassiige máksán bálkkáid dahje eará mávssuid, ceahkas Ii bálkámáksin (Ei palkanmaksua) -čuoggá. Jos almmuhat Ii bálkámáksin -dieđu, ale deavdde buohcooadjomávssu dahje geahpádusaid euromeriid.

Ii bálkámáksin -diehtu almmuhuvvo dušše dalle, jos bargoaddi ii leat máksán maidige mávssuid gažaldatvuloš mánotbaji áigge. Jos bargoaddi lea máksán dušše vearuhis goluid buhtadusaid, ovdamearkka dihte vearuhis kilomehterbuhtadusaid, Ii bálkámáksin –diehtu, ii addojuvvo. Bargoaddi sierraalmmuhusain almmuhuvvojit dalle buohcooadjomávssu mearrin 0 euro.

3. Beaivi ja vuolláičálus

Vuolláičále skovi ovdal go sáddet dan. Merke maid beaivemeari ja telefonnummirat.

Máhcahusčujuhus

Sádde skovi čujuhussii:

Tulorekisteri
PL 1
00055 TULOREKISTERI