Bálkádiehtoalmmuhus – skovvi ja deavdinráva (6101)

Bálkádiehtoalmmuhus (TULOR 6101) heive eanáš bálkámáksindiliide.

Geavat dán skovi, jos sihke máksis ja boahtooažžus lea suopmelaš dovddaldat nappo persovdnadovddaldat dahje fitnodat- ja searvvušdovddaldat, FS-nummir. Eará dáhpáhusas geavat viiddes bálkádiehtoalmmuhusa (6104).

Atte dárbbu mielde maid bargoaddi sierraalmmuhusa (6103).

Oahpásmuva maid eará sámegielat rávvagiidda:

Deavdinráva – Dieđut riikkaidgaskasaš bargamis (6105)

Deavdinráva – Láigobargi álggahanalmmuhus (6106)

Báberskoviid áigemearit

• Bálkádiehtoalmmuhus: báberalmmuhusa áigemearri lea 8 beaivvi máksinbeaivvis.
• Bargoaddi sierraalmmuhus: báberalmmuhusa áigemearri lea máksinbeaivvi čuovvovaš kaleandarmánotbaji 8. beaivi.
• Priváhtaolbmot nappo dállodoalut sáhttet addit guktuid almmuhusaid seamma áigetávvalis nappo maŋimustá bálkámáksinbeaivvi čuovvovaš mánotbaji 8. beaivve.
• Jos dállodoalus lea fásta bargoaddi, bálkádiehtoalmmuhusa áigemearri 8 beaivvi máksinbeaivvis.

Jos mearrebeaivi lea lávvardat, sotnabeaivi dahje eará bassebeaivi, sáhtát almmuhit dieđuid čuovvovaš árgabeaivve. Báberskovit galget joavdat boahtoregistarii maŋimustá mearrebeaivve.

Viečča skovi

Vállje skovi máksinbeaivvi mielde. Ovdamearkka dihte jos máksinbeaivi lea jagi 2024 áigge, geavat jagi 2024 skovi. Jos vuiget ovdal dahkkon almmuhusa, geavat gažaldatvuloš jagi skovi.

Máhca suomagielat rávvagii ja viečča skovi: Bálkádiehtoalmmuhus / Palkkatietoilmoitus (6101)

Lonuheamen suomagielat siiddu giela fidnet skovi ja deavdinrávvaga suoma-, ruoŧa- dahje eaŋgalsgillii.

Deavdinráva – bálkádiehtoalmmuhus

Deavdde skovi fuolalaččat. Jos almmuhus lea devdojuvvon boastut dahje dieđut váilot, almmuhus hilgojuvvo. Hilgojuvvon almmuhus ii vurkejuvvo boahtoregistarii.

Gos oaččun veahki almmuheapmái?

Jos dárbbašat dárkilut dieđuid sierralágan almmuhandiliid birra, oahpásmuva min rávvagiidda:

Bálkádieđut oasis / Palkkatiedot-osiossa leat rávvagat boahtošlájain, lunddolaš ovdduid almmuheamis ja oadjudeamis.

Makkár diliin dagan bargoaddi sierraalmmuhusa / Missä tilanteissa teen työnantajan erillisilmoituksen?

Mo divun dieđuid / Miten korjaan tiedot?

Gos sáhtán dahkat almmuhusa / Missä voin tehdä ilmoituksen?

Sáhtát rehkenastit ja máksit bálkkáid nuvttá Palkka.fi-bálvalusas / Voit laskea ja maksaa palkat maksuttomassa Palkka.fi-palvelussa. Bálvalus sádde dárbbašlaš almmuhusaid boahtoregistarii automáhtalaččat.

Oahpásmuva maid eará daoibmiid rávvagiidda:

Go oastát bálvalusa dahje bálkáhat bargi dállodoallu bargoaddin / Kun ostat palvelun tai palkkaat työntekijän – kotitalous työnantajana

Maid searvi almmuha boahtoregistarii? / Mitä yhdistys ilmoittaa tulorekisteriin?

Jos gáibidat ovdamearkkaid dahje háliidat dárkilut rávvagiid almmuheapmái, oahpásmuva dárkilis rávvagiidda:

Bálkkát:dieđuid almmuheapmi boahtoregistarii / Palkat: tietojen ilmoittaminen tulorekisteriin

Bargoaddi sierraalmmuhus / Työnantajan erillisilmoitus

Dállodoallu barggu barggaheaddjin / Kotitalous työn teettäjänä

Buot boahtoregistara dárkilis rávvagat / Kaikki tulorekisterin yksityiskohtaiset ohjeet

Maid min áššehasbálvalus veahkeha almmuheapmái laktáseaddji áššiin:

Áššehasbálvalusa oktavuohtadieđut / Asiakaspalvelun yhteystiedot

Deavdde skovvái čuovvovaš dieđuid

• Almmuhusa dovddaldatdieđut
• 1. Máksi dieđut
• 2. Boađuoažžu dieđut (vuođđodieđut ja oadjudandieđut)
• 3. Boađuoažžui máksojuvvon mávssut
  
  • 3A Bálkká oktasaš submi ja geahpádus earit
  • 3B Eará almmuhuvvon boahtošlájat
  • 3C Lunddolaš ovddut ja goluid buhtadusat
• 4. Beaivi ja vuolláičálus

Almmuhusa dovddaldatdieđut

Deavdde skovi juohke siiddu badjeoassái almmuhusa dovddaldatdieđuid. Dovddaldatdieđut galget leat ovttaláganat buot skovi siidduin. Dovddaldatdieđut leat:

• doaibmabiju tiipa
• bálkámáksinbadji
• máksinbeaivi
• mávssu máksi almmuhančujuhus.

Doaibmabiju tiipa

Ceahkas, leago gažaldagas ođđa almmuhus, buhttedeaddji almmuhus vai almmuhusa fámuhuhttin. Sáhtát válljet dušše ovtta doaibmabiju tiippa. Diehtu lea bákkolaš.

Ođđa almmuhus lea gažaldagas dalle, go attát bálkámáksimis almmuhusa vuosttas geardde. Jos almmuhus hilgojuvvo ja gárttat addit dieđuid ođđasis, gažaldagas lea maid ođđa almmuhus.

Buhttedeaddji almmuhus addojuvvo, go ovddit almmuhusa galgá vuiget. Buhttedeaddji almmuhusas galgá addit buot dieđuid ođđasis, nappo ođđa ja rievdan dieđuid lassin galgá addit maid ovddit almmuhusas leamašan rivttes dieđuid. Buhttedeaddji almmuhusas galgá addit ovddit almmuhusa almmuhančujuhusa.

Almmuhusa fámuhuhttin válljejuvvo, go ovddit addojuvvon almmuhus fámuhuhtto ollásit. Fámuhuhttima oktavuođas reahkká, ahte almmuha doaibmabiju tiippa lassin mávssu máksi dovddaldaga ja ovddit almmuhusa almmuhančujuhusa, man vuođul fámuhuhttin čujuha rivttes almmuhussii. Almmuhusa gánneha fámuhuhttit easka dalle, go ođđa almmuhus lea addojuvvon.

Vaikko dieđuid vuigen boahtoregistaris dahkkojuvvo dábálaččat buhttejeaddji almmuhusain, leat dihto dáhpáhusat, main dieđuid ii sáhte vuiget buhttedeaddji almmuhusain. Dan sadjái ovdal addojuvvon almmuhusa galgá fámuhuhttit ja dan maŋŋá galgá addit ođđa almmuhusa rivttes dieđuiguin. Dákkáraš dáhpáhusat leat ovdamearkka dihte:

• máksinbeaivvi vuigen
• bálkámáksinbaji vuigen
• mávssu máksi ja boađuoažžu áššehasdovddaldagaid vuigen
• mávssu máksi tiippa Gaskaboddosaš bargoaddi (ii Bargi bargoealáhatláhka, TyEL-oadjosoahpamuš) vuigen
• ealáhatortnetnummira vuigen
• bargobárteoadjosearvvi dovddaldaga dahje oadjonummira vuigen
• oadjudandieđuid vuigen: oadjudangeatnegasvuođa maŋálgihtii dáhpáhuvvan rievdadusat.

Maŋimužžan máinnašuvvon oadjudandieđuid vuigen guoská dili, mas boađuoažžu sisaboahtu lea álgoálggus almmuhuvvon sosiálaoadjomávssuid vuollásažžan ja maŋŋá fuomášuvvo, ahte boađuoažžui máksojuvvon sisaboađu oasil ii livččiige lean oadjudangeatnegasvuohta, (dahje nuppe gežiid). Dán dáhpáhusas álgoalmmuhusa galgá fámuhuhttit ja dán maŋŋá galgá addit ođđa almmuhusa, mas leat rivttes oadjudandieđut. Ovddabealde čilgejuvvon vuogi mielde galgá doibmet, vai dieđu fidne sirdit maid boastto almmuhandieđu ožžon sosiálaoadjudeaddjiide riekta.

Bálkámáksinbadji

Almmut bálkámáksinbaji álgo- ja loahppabeaivvi. Almmut álgo- ja loahppabeaivve hámis bbmmjjjj, ovdamearkka dihte 01052022–31052022. Bálkámáksinbadji lea áigodat, mas bálká máksojuvvo. Bargogaskavuođa nogadettiin, nohká maid bálkámáksinbadji. Diehtu lea bákkolaš.

Fuomáš, ahte bálkámáksinbajiin ii oaivvilduvvo bálkká dienasbadji. Bálkká dienasbadji sáhttá leat eará go bálkámáksinbadji.

Jos lea gažaldat eará mávssus go bálkkás (ovdamearkka dihte bargobuhtadus dahje čoahkkinbálká, mii ii máksojuvvo bargogaskavuođas), bálkámáksinbadjin almmuhuvvo áigegaska, mas máksu máksojuvvo.

Máksinbeaivi

Almmut bálkámáksinbeaivvi hámis bbmmjjjj. Ovdamearkka dihte jos bálká máksojuvvo 15.5.2022, almmut máksinbeaivvi hámis 15052022. Diehtu lea bákkolaš.

Mávssu máksi almmuhančujuhus

Mávssu máksi almmuhančujuhus spesifisere máksi addin bálkádiehtoalmmuhusaid. Jos hábmet čujuhusa ieš, dat galgá leat earálágan juohkehaš ođđa almmuhusas. Dán čuoggá sáhttá guođđit maid guorusin, dalle boahtoregisttar hábme máksi almmuhančujuhusa du beales. Dalle almmuhančujuhus sáddejuvvo reiven dan čujuhussii, mii máksái lea merkejuvvon álbmot- dahje fitnodatdiehtovuogádahkii.

Almmuhančujuhus lea dehalaš, dasgo seamma almmuhančujuhusa galgá geavahit dalle, jos almmuhusas leat leamaš feaillat ja dan galgá vuiget. Almmá almmuhančujuhusa haga buhttedeaddji dahje fámuhuhtti almmuhusa ii boahtoregistaris sáhte čujuhit dan almmuhussii, maid háliida vuiget. Dan dihte mávssu máksi almmuhančujuhus lea bákkolaš diehtu, jos vuiget ovddit almmuhusa dahje fámuhuhtát dan.

Almmuhančujuhus sáhttá leat eanemustá 40 mearkka guhkkosaš. Dat sáhttá sisttisdoallat sihke bustávaid ja nummiriid muhto ii gaskamearkkaid. Dohkálaš mearkkat leat nummirat 0–9, bustávat a–z ja A–Z sihke sierramearkkat”_” ja ”-”. Fuomáš, ahte bustávat å, ä ja ö eai leat dohkálaš mearkkat.

1. Máksi

Máksi dieđut

Almmut bálkká dahje eará mávssu máksi suopmelaš FS-dovddaldaga dahje persovdnadovddaldaga. Merke almmuhussii ollislaš suopmelaš persovdnadovddaldaga dahje FS-dovddaldaga. Ale čále diehtogieddái dovddaldaga lassin eará dieđuid. Diehtu lea bákkolaš.

Čujuhusdieđuid galgá addit, jos mávssu máksi lea gaskaboddosaš bargoaddi dahje jos máksi čujuhus lea olgoriikkas. Almmut juogo lagasčujuhusa dahje boastabovssa. Almmut čujuhusa riikakoda, jos čujuhus lea olgoriikkas dahje máksi lea gaskaboddosaš bargoaddi.

Ovdamearkkat riikakodain: Suopma= FI, Ruoŧŧa= SE, Norga = NO, Estteeana= EE, Ruošša RU. Dábálamosit geavahuvvon riikakodat gávdnojit tabeallas dán rávvaga loahpas. Jos riikakoda ii gávdno tabeallas, almmut riikka nama.

Jos mávssu máksi lea gaskaboddosaš bargoaddi dahje dállodoallu dahje dállodoaluid bargoaddigázzi, almmut dieđu ceahkasteamen gažaldatvuloš čuoggá. Jos máŋga čuoggá gustojit máksái, ceahkas juohke čuoggá.

Dállodoallu lea ovttaskas olmmoš dahje jápminbeassi, mii lea bálkáhan ovdamearka dihte čorgejeaddji iežas persovnnalaš dállodollui.

Dállodoaluid bargoaddigázzi lea ovttadat, masa gullet máŋga dállodoalu gázzi, mat leat ovttain bargosoahpamušain bálkáhan bargi, ovdamearkka dihte čorgejeaddji dahje mánáiddikšu. Dállodoallogázzái gullevaš dállodoalut doibmejit oktasašvásttolaččat bálkáhuvvon bargi bargoaddin. Dállodoallogáccis okta olmmoš dikšu iežas persovdnadovddaldagain bálkká máksima boađuoažžui ja dieđuid almmuheami boahtoregistarii. Jos almmuhat dieđuid dállodoallogácci beales, ceahkas guktuid čuoggáid: Dállodoallu ja Dállodoaluid bargoaddigázzi /Kotitalous ja Kotitalouksien työnantajarinki.

Sáhtát almmuhit dieđu "Dállodoaluid bargoaddigázzi/Kotitalouksien työnantajarinki" jagis 2021 rájes.

Merke almmuhussii maid lassedieđuid addi oktavuohtaolbmo namma ja telefonnummir.

2. Boađuoažžu

Boađuoažžu vuođđodieđut

Almmut bálkká dahje eará mávssu oažžu nama ja persovdnadovddaldaga dahje FS-dovddaldaga. Jos boađuoažžu lea oasusfitnodatsearvi, kommandihtafitnodatsearvi, rabas fitnodatsearvi dahje eará juridihkalaš olmmoš, almmut ovtto FS-dovddaldaga.

Merke ollislaš boađuoažžu persovdnadovddaldaga dahje FS-dovddaldaga. Diehtu lea bákkolaš.

Almmut čujuhusa ja čujuhusa riikakoda, jos boađuoažžu lea eará sajis go Suomas.

Ámmátluohká koda

Almmut boađuoažžu ámmátluohká, jos boađuoažžu lea bárteoadjuduvvon. Ámmáha galgá almmuhit dan mielde, makkár barggu boađuoažžu bargá. Jos son bargá guovtti dahje eanet eará ámmátluohkkái gullevaš bargguid, almmuhuvvo ámmátluohkkán váldobarggu ámmátluohkká. Váldobargguin dárkkuhuvvo dat bargu, maid olmmoš bargá áiggálaččat eanemus.

Boahtoregistaris lea geavahusas Boahtoregistara TK10-ámmátluohkkájuohku, mii lea almmustahtton Statistihkkaguovddáža siidduin. Boahtoregistara TK10-ámmátluohkkájuogus ámmátluohkát almmuhuvvojit 5-nummira kodan.

Máŋgga suorggi dego huksen- ja divvunsuorggi ámmátluohká kodat mearrašuvvet doaibmasuorggi mielde. Ámmátluohkkákodaid sáhttá dárkkistit čujuhusas Statistihkkaguovddáža siidduin (Tilastokeskuksen sivuilta).

Boađuoažžu lea oasseoamasteaddji dahje searvvuš

Ceahkas, jos boađuoažžu lea bargguhisvuođadorvolága (1290/2002) mielde oasseoamasteaddji fitnodagas, mii máksá bálkká dahje eará mávssu. Dárkilut dieđuid oaččut dárbbu mielde Barggolašvuođafoanddas (Työllisyysrahastosta).

Ceahkas maid dalle, jos boađuoažžu lea searvvuš (rabas fitnodatsearvi, kommandihtafitnodatsearvi, oasusfitnodatsearvi, oasusgoddi, searvi, vuođđudus dahje eará siviilavuoigatvuođalaš juridihkalaš persovdna).

Oadjudeapmi

Diehtu bargoealáhatoajus

Ceahkas dan bargoealáhatoaju čuoggá, man mielde boađuoažžu lea oadjuduvvon: bargi bargoealáhatoadju fitnodatolbmo ealáhatoadju dahje eanadoallofitnodatolbmo ealáhatoadju. Jos oadjudangeatnegasvuohta ii leat, guođe dán čuoggá guorus.

Sáhtát válljet dušše ovtta dán golmma molssaeavttus:

1. Vállje Bargi bargoealáhatoaju, jos boađuoažžu lea oadjuduvvon
   • bargi ealáhatlága (395/2016) mielde
   • almmolaš surggiid ealáhatlága (81/2016) mielde
   • mearraalmmáilága (1290/2006) mielde
   • ortodoksalaš girkus addojuvvon lága (985/2006) mielde
   • Suoma Báŋkkus addojuvvon lága (214/1998) ealáhatnjuolggadusa vuođul
   • Ålándda eanagoddelága (ÅFS 54/2007) ealáhatnjuolggadusa vuođul.
2. Vállje Eanadoallofitnodatolbmo ealáhatoaju (MYEL), jos boađuoažžu lea oadjuduvvon eanadoallofitnodatolbmo ealáhatlága (1280/2006) mielde.
   
   • Eanadoallofitnodatolbmo ealáhatlága mielde oadju lea eanabargiid, vuovdeeaiggádiid, guolásteaddjiid ja badjeolbmuid sihke sin bearašlahtuid bargoealáhatoadju.
   • Maid veahkkeruđaoažžut gullet MYEL mieldásaš bargoealáhatdorvvu biirii.
3. Vállje Fitnodatolbmo oaju (YEL), jos boađuoažžu lea oadjuduvvon fitnodatolbmo ealáhatlága (1272/2006) mielde.
   • Fitnodatolmmoš lea olmmoš, guhte bargá dienasbarggu nu ahte ii leat bálvalangaskavuođas ja deavdá gažaldatvuloš dienasbarggu oasil dovdomearkkaid, mat leat láhkaásahusas. Fitnodatolmmoš vástida iežas ealáhatoaju ordnemis.
   • Fitnodatolmmoš oadjuda doaimmas fitnodatolbmo ealáhatlága (1272/2006) mielde. Oadju lea bákkolaš, go fitnodatolmmoš deavdá gáibádusaid, mat gullet ealáhatlága biirii, ja oaju galgá váldit guđa mánotbaji sisti fitnodatdoaimma álgimis.

Ii oadjudangeatnegasvuohta čuovvovaš oajuid oasil

Dihto diliin bargoaddis ii leat oadjudangeatnegasvuohta ovdamearkka dihte oadjudeami euromeari vuollerájá geažil, olbmo agi vuođul dahje danne, ahte boađuoažžu doaibmá fitnodatolmmožin.

Sierra oajuin oadjudangeatnegasvuođat leat dát:

Buohcooadju:

• Bargoaddi buohcooadjomáksu máksojuvvo bálkkáin, mat leat mákson 16–67- jahkásaččaide.

Bargoealáhatoadju:

• Bargoaddi geatnegasvuohtan lea oadjudit buot 17–67-jahkásaš bargiid, geaid dietnasat mannet badjel oadjudangeatnegasvuođa vuollerájá (geahča rájáid tabeallas).

Bargguhisvuođaoadju:

• Bargoealáhatoadjomáksu máksojuvvo bálkkáin, mat leat mákson 18–64-jahkásaččaide.
• Jos bargoaddi máksá jagi áigge bálkkáid vuollái jahkásaš vuollerájá, bargoaddi ii dárbbaš čilget bargguhisvuođaoadjomávssuid. Bargoaddi ferte goittotge álo geassit bálkkás bargi bargguhisvuođaoadjomávssu, jos bargi lea geatnegas máksit oadjomávssu (geahča rájáid tabeallas).

Bargobárte- ja ámmátdávdaoadju:

• Bargobárte- ja ámmátdávdaoajus eai leat ahkeráját, muhto oadjudangeatnegasvuohta lea, jos bargoaddi máksá bargiidasas kaleandarjagi áigge bálkkáid badjel jahkásaš vuollerájá (geahča rájáid tabeallas).

Ceahkas dan oaju dahje oajuid buohta, maid oasil máksis ii leat leamaš geatnegasvuohta oadjudit bálkáoažžu. Jos oadjudangeatnegasvuohta ii guoskka ovttage oaju, reahkká ahte ceahkastat bajimuš čuoggá ”Bargoealáhat-, buohco-, bargguhisvuođa-, bargobárte- ja ámmátdávdaoadju” (”Työeläke-, sairaus-, työttömyys-, työtapaturma- ja ammattitautivakuutus”).

Fuomáš, ahte jos almmuhusain addojuvvo diehtu čuoggás ”Ii leat oadjudangeatnegasvuohta čuovvovaš oajuid oasil ” (”Ei ole vakuuttamisvelvollisuutta seuraavien vakuutuksien osalta”), dat guoská buot almmuhuvvon sisaboađuid. Jos oadjudandiehtu rievdá gaskan bálkámáksinbaji, boađuoažžus galgá addit guokte sierra almmuhusa. Máksi galgá dalle addit sierra almmuhusain dieđuid daid boađuin, maidda máksis lea oadjudangeatnegasvuohta.

Bargoealáhatlágádusa fitnodatsearvedovddaldat ja bargoealáhatoadjuduvvon boađuoažžu ealáhatortnetnummir

Almmut dan bargoealáhatlágádusa fitnodatsearvedovddaldaga, gos leat váldán bargoealáhatoaju. Merke čuoggái dušše nummira, ale čále bargoealáhatlágádusa nama. Bargoealáhatlágádusain dárkkuhuvvo bargoealáhatoadjofitnodatsearvi, ealáhatkássa dahje ealáhatvuođđudus. Juohke bargoealáhatlágádusas lea oktagaslaš guovtte dahje viđa mearkka fitnodatsearvedovddaldat, mainna dieđut čujuhuvvojit rivttes bargoealáhatlágádussii. Almmut maid boađuoažžu ealáhatortnetnummira.

Bargoaddis ii leat ealáhatoadjudangeatnegasvuohta, jos bargái máksojuvvon bálká mánotbajis lea vuollái bargoealáhatoadjudeami vuollerájá (geahča rájáid bargoealáhatoadjudeami tabeallas). Guođe dan dáhpáhusas dáid čuoggáid deavddekeahttá.

Jos boađuoažžu lea MYEL-oadjuduvvon dahje YEL-oadjuduvvon, bargoealáhatlágádusa finodatsearvedovddaldat ja ealáhatortnetnummir ii almmuhuvvo.

Jos leat gaskaboddosaš bargoaddi, vállje vuolábeale tabeallas dan bargoealáhatlágádusa, man bokte áiggut dikšut ealáhatoadjudeami. Almmut dan bargoealáhatlágádusa fitnodatsearvedovddaldaga. Gaskaboddosaš bargoaddi ii dárbbaš almmuhit ealáhatortnetnummira.

Bargoealáhatlágádus

Bargoealáhatlágádusa fitnodatsearvedovddaldat	Bargoealáhatlágádus
46	Keskinäinen Eläkevakuutusyhtiö Ilmarinen
54	Keskinäinen Työeläkevakuutusyhtiö Elo
55	Keskinäinen työeläkevakuutusyhtiö Varma
56	Eläkevakuutusosakeyhtiö Veritas

Bargobárteoadjofitnodatsearvvi dovddaldat ja oadjonummir

Almmut bargobárteoadjofitnodatsearvvi FS-dovddaldaga ja bargobárteoaju oadjonummira. Bargoaddi galgá oadjudit iežas bargi barggus dáhpáhuvvi bárttiid várás bargobárteoajuin, jos kaleandarjagi áigge bargiide máksojuvvon bálkkáid oktasaš submi manná badjel bargobárte- ja ámmátdávdaoadjudeami vuollerájá ámmátdávdaoajuin (geahča rájáid bargobárte- ja ámmátdávdaoadjudeami tabeallas). Dieđut leat bákkolaččat, jos bargoaddi lea oadjudan bargiidis eanet go ovttain bargobárte- ja ámmátdávdaoajuin.

3. Boađuoažžui máksojuvvon mávssut

3A Bálkká oktasašsubmi ja geahpedanvuloš earit

Almmut Bálkká oktasašsubmi (Palkan yhteissumma) -čuoggás boađuoažžui máksojuvvon ruhtabálkká. Bálkká oktasašsubmi -čuoggái merkejuvvojit buot boahtošlájain 101 Bálká oktasašsubmi almmuhanvuloš mávssut (Palkka yhteissumma ilmoitettavat suoritukset). Bálkká oktasašsubmi sisttisdoallá buot 200-ráiddu boahtošlájaid. Oaččut lassedieđuid bálkkáid boahtošlájain čujuhusas siiddus Bálkkáid boahtošlájat (Palkkojen tulolajit).

Almmut maid bálkkás ja eará mávssuin geahpedanvuloš eriid:

• bargis dahje eará mávssu oažžus berrojuvvon ovdavearrogeassin oktiibuot (maid ovdamearka dihte bargobuhtadusa ovdavearrogeassin)
• bargi bargoealáhatoadjomáksu
• bargi bargguhisvuođaoadjomáksu

Dárkilut dieđuid bargoealáhatoadjomávssu mearrašuvvamis sáhtát dárkkistit dan bargoealáhatlágádusas maid geavahat. Bargguhisvuođaoadjomávssus oaččut lassedieđuid Barggolašvuođafoanddas (Työllisyysrahastosta).

Jos oassi Bálkká oktasašsubmi -čuoggás almmuhuvvon boađuin eai leat sosiálaoadjomávssuid (bargoealáhat-, buohcce-, bargguhisvuođa- sihke bargobárte- ja ámmátdávdaoadjomávssuid) vuođđun, almmut das sierra. Merke tabellii guđege oadjomávssu buohta dan oasi boađuin, mii lea oadjomávssuid vuollásaš. Tabealla ii devdojuvvo,

• jos boađuoažžui máksojuvvon boahtu lea buot oadjomávssuid vuollásaš
• Jos skovi siiddus 2 lea almmuhuvvon, ahte boađus ii leat ollege oadjudangeatnegasvuohta ovdamearkka dihte oadjudeami euromeari vuollerájá geažil, olbmo agi vuođul dahje danne, ahte boađuoažžu doaibmá fitnodatolmmožin.

3B Eará almmuhanvuloš boahtošlájat

Almmut čuoggás 3B eará go čuoggás 3A almmuhuvvon sisaboađuid ja geahpedanvuloš eriid. Dákkár boahtošlájat leat ovdamearkka dihte

• 336 Bargobuhtadus (doaibmanaddingaskavuođas máksojuvvon buhtadus fitnodatolbmui, fitnodahkii dahje ovdamearkka dihte priváhta beaivedivššárii, gii ii gula ovdabearranregistarii)
• 353 Vearuvuloš goluid buhtadus (buhtadus, man bargoaddi máksá bargái bargguid dikšumis njuolgga šaddan goluin, ovdamearkka dihtii bargoreaidduid ja materiála skáhppomis šaddan golut)

Buot almmuhuvvon boahtošlájaid oktiiluiton ovdavearrogeassimat almmuhuvvojit čuoggás 3A Ovdavearrogeassin oktiibuot (Ennakonpidätys yhteensä).

Vuolde leat logahallon buot boahtošlájat maid galgá almmuhit sierra ja maid sáhttá almmuhit čuoggás 3B sihke dat jahki, man rájes boahtošlája sáhttá geavahit:

Sierra almmuhanvuloš boahtošlájat

Koda	Boahtošlája namma	Jahki man rájes geavahusas
302	Visteloana reantoovdu (Asuntolainan korkoetu)	2019
308	Hálddahusorgána lahttovuođas máksojuvvon bálká(Hallintoelimen jäsenyydestä maksettu palkkio)	2019
309	Bargoveahkaruhtafoanddas loktejuvvon ruhtarádjoossodat ja badjebáza (vearuvuloš 80%) (Henkilöstörahastosta nostettu rahasto-osuus ja ylijäämä (veronalainen 80%))	2019
310	Bargovehkii addojuvvon ruhtaskeaŋka (Henkilöstölle annettu rahalahja)	2019
313	Geavahanbuhtadus dienasboahtu (Käyttökorvaus ansiotuloa)	2019
314	Geavahanbuhtadus oaiveopmodatboahtu (Käyttökorvaus pääomatuloa)	2019
315	Eará bargovehkii oaivvilduvvon vearuvuloš ovdu (Muu henkilöstölle suunnattu veronalainen etu)	2019
316	Eará vearuvuloš dienasboahtu (Muu veronalainen ansiotulo)	2019
320	Oasusbálká (Osakepalkkio)	2019
326	Bálká bargoaddihutkosis (Palkkio työsuhdekeksinnöstä)	2019
332	Máksu mii lea oaiveopmodatboahtu (Pääomatuloa oleva suoritus)	2019
335	Soabahalli gollobuhtadus (Sovittelijan kulukorvaus)	2019
336	Bargobuhtadus (Työkorvaus)	2019
337	Guđege bargoaddi buohcokássa máksin dievasmahttinbeaiveruhta (Työnantajakohtaisen sairauskassan maksama täydennyspäiväraha)	2019
338	Bargoaddi máksin ealáhat (Työnantajan maksama eläke)	2019
339	Bargomearrái vuođđuduvvi juogadas dahje badjebáza (bálká) (Työpanokseen perustuva osinko tai ylijäämä (palkka))	2019
340	Bargomearrái vuođđuduvvi juogadas dahje badjebáza (bargobuhtadus) (Työpanokseen perustuva osinko tai ylijäämä (työkorvaus))	2019
341	Bargoaddmátkeibileahta vearuhis oassi (Työsuhdematkalipun verovapaa osuus)	2019
342	Bargoaddimátkebileahta bálkán gehččojuvvon oassi (Työsuhdematkalipun palkaksi katsottu osuus)	2019
343	Bargoaddioptio (Työsuhdeoptio)	2019
350	Valástallifondii sirdojuvvon bálká (Urheilijarahastoon siirretty palkka)	2019
351	Valástallifoanddas máksojuvvon bálká (Urheilijarahastosta maksettu palkka)	2019
352	Oadjobálká (Vakuutuspalkka)	2019
353	Vearuvuloš goluid buhtadus (Veronalainen kustannusten korvaus)	2019
357	Oktasaččat ávkkálaš servoša máksin kilomehterbuhtadus (Yleishyödyllisen yhteisön maksama kilometrikorvaus)	2019
358	Oktasaččat ávkkálaš servoša máksin beaiveruhta (Yleishyödyllisen yhteisön maksama päiväraha)	2019
359	Vuođuhis ovdu (Perusteeton etu)	2019
361	Bargoaddioptio, man emišuvdnahaddi lea luohpadanmuttus vuolit go márkanhaddi (Työsuhdeoptio, jonka merkintähinta on luovutusajankohtana alhaisempi kuin markkinahinta)	2019
362	Ráddjejuvvon vearrogeatnegassii máksojuvvon dahkkibálká (rojalti) (Rajoitetusti verovelvolliselle maksettu rojalti)	2021
363	Sihkkelovddu vearuhis oassi (Polkupyöräedun verovapaa osuus)	2021
364	Sihkkelovddu bálkán gehččojuvvon oassi (Polkupyöräedun palkaksi katsottu osuus)	2021
366	Dahkkivuoigatvuođabuhtadus dienasboahtu (Tekijänoikeuskorvaus ansiotuloa)	2024
367	Ruhtan mákson oasusbálká (Rahana maksettu osakepalkkio)	2024
368	Ruhtan mákson bargoaddioptio (Rahana maksettu työsuhdeoptio)	2024
407	Eará lunddolaš ovdduin berrojuvvon buhtadus (Muista luontoiseduista peritty korvaus)	2019
415	Bargoaddimátkebileahtas berrojuvvon buhtadus (Työsuhdematkalipusta peritty korvaus)	2019
419	Geahpedeapmi ovdal ovdavearrogeassima (Vähennys ennen ennakonpidätystä)	2019
420	Sihkkelovddus berrojuvvon buhtadus (Polkupyöräedusta peritty korvaus)	2021

3C Lunddolaš ovddut ja goluid buhtadusat

Almmut čuoggás 3C boađuoažžu ožžon lunddolaš ovddut (tulonsaajan saamat luontoisedut) (biilaovdu ja eará vearuvuloš lunddolaš ovddut) sihke goluid buhtadusat (vearuhis kilomehterbuhtadus ja beaiveruđat).

Almmut biilaovddu meari ja kilomehteriid vuodjinbeaivegirjji mielde sihke ceahkas, leago gažaldagas friija biilaovdu vai biilla geavahanovdu. Ceahkas maid lunddolaš biilaovddu ahkejoavkku. Biillat gullet golmma vuosttas geavahanjagi áigge ahkejovkui A, golmma čuovvovaš jagi áigge ahkejovkui B ja dán maŋŋá ahkejovkui C. Árvu U dárkkuha biilaovddu, mii lea olgoriikkain geavahusas ja olgoriikkas ožžojuvvon biilaovddu.

Almmut biila suođđanárvvu, jos leat vuolidan biilaovddu meari danin, ahte biila suođđanárvu lea nolla dahje unni. Biilaovddu meari sáhttá vuolidit, jos biilla čitnadioksiida suođđanárvu vuojedettiin lea 0–100 grámma kilomehtera guovdu. Lassedieđuid biilla suođđanárvvu almmuheami birra lea rávvagis Dieđuid almmuheapmi boahtoregistarii: lunddolaš ovddut ja goluid buhtadusat / Tietojen ilmoittaminen tulorekisteriin: luontoisedut ja kustannusten korvaukset.

Sáhtát almmuhit biilla suođđanárvvu, jos máksinbeaivi lea jagiid 2022–2025.

Almmut kilomehtermeari dušše, jos almmuhat boahtošlája 311 Kilomehterbuhtadus (vearuheapmi). Almmut čavdelohkun dan kilomehtermeari, mii lea vearuhis kilomehterbuhtadusa vuođđun. Ovdamearkka dihte jos kilomehtermearri lea 125,6, almmut 126.

Merke čuoggái Beaiveruđat oktiibuot (Päivärahat yhteensä) vearuhis beaiveruđaid ja borranbuhtadusaid oktasašmeari. Ceahkas, maid buhtadusaid submi sisttisdoallá (borranbuhtadus, oassebeaiveruhta, ollesbeaiveruhta dahje olgoriikkabeaiveruhta). Sáhtát válljet ovtta dahje eanet molssaeavttu.

Jos mátkegoluid buhtadusat leat máksojuvvon vuostá Vearrohálddahusa mearrádusas oaivvilduvvon áige- ja kilomehterrájáid, dat eai leat mange oasil vearuheamit. Buhtadusat buohtastahttojit dalle bálkái ja dat almmuhuvvojit bálkán. Buhtadusat eai dalle almmuhuvvo dán čuoggás.

Almmut čuoggás Eará vearuvuloš lunddolaš ovddut oktiibuot (Muut verotettavat luontoisedut yhteensä) eará ovddut, maid bargoaddi lea addán earán go ruhtan. Ceahkas, jos submi sisttisdoallá visteovddu, telefonovddu, boradanovddu dahje eará ovdduid. Eará ovddut leat ovdamearkka dihtii biilastállaovdu ja fanasovdu.

Jos boađuoažžui lea addojuvvon biebmoovdu ja das berrojuvvon buhtadus vástida vearuhanárvvu, ceahkas čuoggá Boradanovddus berrojuvvon buhtadus vástida vearuhanárvvu (Ravintoedusta peritty korvaus vastaa verotusarvoa) ja almmut boradanovddu čuoggás Boradanovdu (Ravintoetu). Jos boradanovddus berrojuvvon buhtadus ii vástit vearuhanárvvu, almmut bálkkás berrojuvvon oasi boahtošlájain 407 Eará lunddolaš ovdduin berrojuvvon buhtadus (Muista luontoiseduista peritty korvaus) skovi čuoggás 3B ja almmut boradanovddu čuoggás Eará vearuvuloš lunddolaš ovddut oktiibuot (Muut verotettavat luontoisedut yhteensä).

4. Beaivi ja vuolláičálus

Vuolláičále skovi ovdal go sáddet dan. Merke maid beaivemeari ja telefonnummirat.

Máhcahusčujuhus

Sádde skovi čujuhussii:

Tulorekisteri
PL 1
00055 TULOREKISTERI