Ovdavearu dievasmahttinmáksu vearrojahkái 2008

7603

Persovdnaáššehasa máksin ovdavearu dievasmahttinmáksu vearrojahkái 2008 váikkuha reantturehkenastimii ja bázahusvearu mearrái čuovvovaččat:

Ovdavearu dievasmahttinmávssu vearrojahkái 2008 galgá máksit maŋimustá 2.2.2009 garvin dihte ollásit bázahusvearu reanttu. Maŋimuš máksinbeaivi lea dábálaččat 31.1., muhto dan orodettiin j. 2009 lávvardat, dievasmahttinmávssu sáhttá máksit vel čuovvovaš árgabeaivve.
Bázahusvearu reanttu ja ovdavearumáhcahusa máhcahanreantu rehkenasto 1.2.2009 rájes, goittotge nu, ahte maŋimustá 2.2.2009 máksojuvvon dievasmahttinmáksu váldo vuhtii nugo dat livčče máksojuvvon 31.1.2009.
Bázahusvearu reanttu meari sáhttá vuolidit máksimiin ovdavearu dievasmahttinmávssu maŋimustá 30.9.2009.
Maŋimustá 30.9.2009 máksojuvvon bázahusvearru buohtalasto ovdavearu dievasmahttinmáksui ja das lea seamma reantováikkuhus go dievasmahttinmávssuin.
Ovdavearu dievasmahttinmávssu kontusirdinkortte dieđuin lea sadji, masa áššehas sáhttá merket man vearrojahkái dievasmahttinmáksu lea dárkkuhuvvon. Juos áššehas ii leat merken vearrojagi dieđuide, lohkko dievasmahttinmáksu áramus vejolaš vearrojagi ávkin, omd. 29.8.2009 máksojuvvon dievasmahttinmáksu vearrojagi 2008 ávkin.
Jos áššehas lea máksán dievasmahttinmávssu dahje bázahusvearu cuoŋománu ja čakčamánu 2009 gaskasaš áigge, áššehas oažžu ođđa vearuhusmearrádusa, mas máksin lea váldojuvvon vuhtii vearu ja reanttu mearis.

Vearrojagi 2008 bázahusvearu reantu ja máhcahanreantu

Bázahusverrui rehkenasto reantu 1.2.2009 rájes bázahusvearu vuosttas eari máksinbeaivve rádjai. Bázahusvearu vuosttas máksinbeaivi lea juovlamánu 2009 álggus. Bázahusvearu reantu lea 2,5 %, go bázahusvearu mearri lea eanemustá 10 000 euro. Bázahusvearu 10 000 euro badjelmanni oasis reantu lea 6,5 %. Rehkenaston bázahusvearu reanttu mearis geahpeduvvo 20 euro. Dan dihte vearrojagi 2008 bázahusverrui berrojuvvo reantu dušše, jos bázahusvearu mearri lea stuorát go s. 950 euro.Ovdavearromáhcaheapmái rehkenasto reantu 1.2.2009 rájes máhcahanmánotbaji ovddit mánotbaji lohppii. Máhcahanreantu lea 2,5 %.

Ovdamearkkat reantturehkenastimis

Reanttu rehkenastinmálle lea:
reantu % x oaiveopmodat x reantobeaivvit
-------------------------------------------
100 x 360

Dievas kaleandarmánotbajiin gehččojit leat 30 beaivve ja jagis 360 beaivve.

Ovdamearkkas bázahusvearu I eari máksinbeaivi lea 2.12.2009 (ii nannejuvvon).

Ovdamearka 1 bázahusvearru lea 800 euro
  2,5 x 800 x 302
-------------------- = 16,78
     100 x 360

16,78 euro < 20 euro, nu ahte reantu ii berrojuvvo

Ovdamearka 2
bázahusvearru lea 4 000 euro

  2,5 x 4 000 x 302
  -------------------- = 83,89
      100 x 360

83,89 euro – 20,00 euro =   63,89 euro = berrojuvvon reanttu mearri

Ovdamearka 3
bázahusvearru lea 13 000 euro
  2,5 x 10 000 x 302
  ---------------------- =   209,72
     100 x 360

  6,5 x 3 000 x 302
  -------------------- = 163,58
      100 x 360

reantu oktiibuot = 373,30 euro

373,30 euro – 20,00 euro =   353,30 euro = berrojuvvon reanttu mearri

Mávssu váikkuhus reantturehkenastimii

Garvin dihte bázahusvearu reanttu, áššehas galgá máksit maŋimustá 2.2.2009 ovdavearu dievasmahttinmávssu uhcimustá erohusa, mii ožžojuvvo geahpedemiin bázahusvearu mearis 950 euro. Áššehas sáhttá vuolidit bázahusvearu reanttu máksimiin ovdavearu dievasmahttinmávssu guovva–čakčamánu gaskasaš áigge 2009.

Ovdamearka

Áššehas máksá ovdamearkka 2 mielde dilis 30.6.2009 ovdavearu dievasmahttinmávssu 1 500 euro. Reantu rehkenasto 1.2.2009 – 30.6.2009 gaskasaš áigái 4 000 euro bázahusverrui ja 1.7.2009 - 2.12.2009 gaskasaš áigái 2 500 euro bázahusverrui

2,5 x 4 000 x 150
-------------------- = 41,67
100 x 360

2,5 x 2500 x 152
------------------- = 26,39
100 x 360

reantu oktiibuot = 68,06 euroa

68,06 euroa – 20,00 euroa = 48,06 euroa = berrojuvvon reanttu mearri

Seamma reantováikkuhus lea dan dáhpáhusas, ahte áššehas máksá 30.6.2009 dievasmahttinmávssu sajis bázahusvearu vástideaddji 1 500 euro meari.

Áššehas oažžu ođđa vearuhusmearrádusa, mas máksojuvvon mearri oktiibuot lea 2 548,06 euro (bázahusvearru 2 500 euro ja bázahusvearu reantu 48,06 euro).

31.12. 31.1. 30.6. 30.9. 2.12. 31.12
2007 2008 2008 2008 2008 2008

I----------I------------------------I------------I--------------I----------I--------
             bázahus-                     dievasmahttin-
             vearru                          máksu
             4 000 euroa                1 500 euroa

                                          reantu 1.2. – 30.6.2008
                                            2,5 % x 4 000 euroa

reantu 1.7. – 2.12.2008
2,5 % x 2 500 euroa